Monday, April 09, 2007

SE болоход BS хэрэгтэй юу?

"System Engineer" болоход "Bachelor of Science" буюу Бакалаврын зэрэг хэрэгтэй юу?

System Engineer гэж System Engineer, Network Engineer, Network Administrator, System Administrator гэх мэт ... орон тоог нийтэд нь нэрлэдэг болжээ(Японд лав тэгэж нэрлэх юм). Миний ойлгосноор өөрөө шинээр зохион бүтээж хийх биш, харин хүний бэлэн хийчихсэн зүйлийг жаахан ажилтай шиг нь урд хойно нь оруулж, ажилгүй шиг нь арчлаад сууж байдаг орон тоог хэлээд байнуу даа... Түүний дотор одоо миний хийж байгаа ажил ч орж байна. Энд ирээд төрсөн сэтгэгдэл гэх юмуу, бодогдох болсон нэг зүйл бол ... үнэхээр систем инженер хийхийн тулд их сургуульд 4 жил сурч компьютерийн ухааны бакалаврын зэрэг авах хэрэг байнуу?

Google ах байхад англи хэлтэй, жаахан толгой нь хурдан сэтгэдэг, дээр нь мэдээллийн технологид сонирхолтой хэн боловч сервер тавиад, тохиргоо хийгээд, цааш нь аваад явчих бүрэн боломжтой санагдах юм. Японд гэхэд л их сургууль төгссөн инженер хүнийг японы жинхэнэ нөгөө акул компаниуд нь төгсөхөөс нь жилийн өмнө түүгээд авчихдаг, харин мэргэжлийн техниккум төгссөн хүмүүс нь SE хийдэг юм шиг санагдсан. Ажилд авах зар дээрээс харахад SE ч ялгаагүй, программист ч ялгаагүй, Монголд гардаг ажлын зарууд шиг "компьютерийн ухааны бакалавр ба түүнээс дээш зэрэгтэй..." гэсэн зар ховор. Оронд нь "төдөөс дээш жил ажилласан туршлагатай..." л гэж байх юм. IT гэж аргагүй л туршлага чухал болчихсон салбар юм.


Сайхан сайхан мэргэжлээр төгссөн улсууд мэргэжлийнхээ ажлыг хийхгүй бүгд IT-д тэмүүлээд байхыг харахад технологи залуусын сонирхлыг аргагүй татаж байна. Гэхдээ одоо надаас асуух юм бол... их сургууль төгссөний хэрэг нь гардаггүй ийм инженерийн ажил хийж байхын оронд, тэр хүмүүсийн эзэмшсэн тэр сайхан мэргэжлээр ажиллах юмсан гэсэн бодол ч төрж байсан. Интернетээс уншаад эмч, нарийн мэргэжлийн инженер, эсвэл байгалийн шинжлэх ухааны мэргэжилтэн болчихлоо гэж би одоогоор дуулаагүй явна... Гэх мэтчилэн технологын акул Япон улсад ирээд төрсөн сэтгэгдэл олон байна.

Цааш үргэжлүүлье. SE болоход BS хэрэгтэй юу?
Нөгөө талаас нь нэг харъя. Үнэхээр асуудал тийм байгаа бол манайхан IT-р аутсорсинг хийхэд нэг их цаг хугацаа, хөрөнгө мөнгө шаардахгүйгээр IT-н мэргэжилтэн бэлдээд байж болох юм шиг санагдана...

7 comments:

SE said...

ter ch tiim baih shuu, software engineer bol arai uur baih,

ganzo said...

Aan ene ch neree unen shuu gol ni helnii asuudal l bidend dutad bgan.Tanii bichsen zuiluud neleen heregtei ymnuud baidag tsaashdaa ulam heregtei ym bichij baigaarai

baynaa said...

комент үлдээсэн залуустаа баярлалаа. Программист хийх өөр байж магадгүй. Тэр талаар программистууд маань нэг юм хэлэх байхаа. Ер нь Японд IT-н чиглэлээр ажиллах талаар дахин нэг нийтлэл бичих хүсэлтэй байгаа. Тухайн үед нь сонирхоорой.

bayasa said...
This comment has been removed by the author.
uugnaa said...

Medeej odoo IT-giin chiglel ruu mash olon zaluus orj bna. uur mergejiliin xumuus ch IT-geer ajlaad yawj bgaag aliig ter gexew gexdee bas sain sudlaad uzwel nariin yum mash ix bnaa. Law microsoftiin shalgaltand beltgej uzej bxad ix nariin yumnuud ix bnaa. gexdee programmer xiixed xamgiin xund ni setgex bdag shuu.

altanbileg said...

Japanii iimerhuu SE gej nerlesen humuusiin tuvshin er ni muu l daa. Computer architecture, algorithm-uudaa ch medehgui if else for while holbood l neg yum hiichdeg sanagddag yum. Ter hemjeegeeree SE nariin tsalin hols ch Japand muu.
Gehdee yag nariin system-iin program ch yumuu package hiij bgaa garuud bas tsoohon bii. Ted nar ni arai gaigui.

Jamts Dash said...

Сайн байна. Хаана байгаагаа мэдэж байхад хаа хүрэхээ шийдэж болно. Та бүхнээр бахархаж байна. Илүү сайн болцгооно шүү залуусаа