【Япон дахь Монголчуудын IT уулзалт - 3】

Эх сурвалж: Mongolian IT group - Japan, MAJ

Монголчуудын IT уулзалтыг 3 дахь удаагаа зохион явуулах гэж байна.

■Илтгэлийн сэдэв:

1. "iPhone хөгжүүлэлт болон iPhone OS4-ийн шинэ боломжууд" сэдвээр Буянт-Оргил
2. "Android OS" сэдвээр Алтанбилэг

IT-ийн ертөнцөд шинэ эринийг эхлүүлсэн гэж хэлж болох smart phone-ийн 2 том төлөөлөл iPhone bolon Android-ийн талаар нэг дор маш сонирхолтой яриа сонсох, хөгжүүлэлтийн бодит жишээнүүдийг харах ховорхон боломж тохиож байна.

Илтгэлийн дараа асуулт хариулт, нээлттэй яриа гэсэн агуулгатайгаар явагдана.

■Эхлэх огноо цаг:
2010 оны 05 сарын 29 өдөр 13:00 цагаас

■Байрлал:
Токио хот, Дайто кү, Нэгиши 2-1-2 Ооцука-бирү 4 давхар, FKC компани
JR Яманотэ шугам, Үгүйсү-дани өртөө, хойд гарцаас 2 минут

東京都台東区根岸2-1-2 大塚ビル４Ф FKC 株式会社
ＪＲ山手線 鶯谷駅 北口徒歩２分

■Бүртгэл:
Хүний тоо хязгаартай тул хуралд ирэх хуүмүүс доорх
мэйл хаягаар овог нэр, ажил (сургууль)-аа явуулна уу.
ev...@maj.mn

■Хураамж:
Нэг хүн: 500 иэн
(цэвэр ус, цай, бусад зардал)

day 3 - root on iPhone

Түрүүчийн нийтлэлийн төгсгөлд үзүүлсэн дэлгэцийн агшины зураг дээр утсандаа root эрхээр хандахад файлууд болон файлын сангууд хэрхэн харагдаж байгааг харсан байхаа.

Таны iPhone/iPod энгийн хэрэглэгчийн эрхээр холбогдсон бол /var/mobile/Media дор холбогдсон байгаа. Зураг, дууны файл хуулах, iTune-тэй sync хийх зэрэгт бол энгийн хэрэглэгчээр хандахад хангалттай. Харин системийн тохиргоог өөрчлөх, өөрийн хүссэн нэмэлт багцыг суулгах зэрэгт бол мэдээж root эрх хэрэгтэй шүү дээ. Дээр нь root хэрэглэгчээр утсаа mount хийвэл pc-нээсээ утасныхаа хүссэн газарт хандаж, файл хуулж чадна гэсэн үг. Энэ ч амьдралд үнэхээр хэрэг болсон.

Хамгийн эхний жишээ бол монгол гарын хөтөч суулгахад гарын байршлын файлыг тодорхой газар хуулж тавих хэрэгтэй болсон. Бид бол ямар нэг байдлаар файлаа утасруугаа хадгалаад, дараа нь коммандын мөрөн дээрээс хүссэн газраа хуулчихна. Гэтэл комманд мөрөн дээр ажиллаж мэдэхгүй хүнд файл хуулахыг утсаар яриад, мэйл бичээд, ер нь яаж ч заагаад барахгүй юм билээ. хэргийн гол нь комманд мөрний синтакс гэж алдахад амархан, цаад хүн маань синтаксыг битгий хэл цаад ойлголтыг нь мэдэхгүй байсан хэрэг. Тэдний буруу гэж юу байхав, тэд бол жинхэнэ хэрэглэгчид... харин бид бол тэдний хэрэгцээ шаардлагад нийцсэн бүтээгдэхүүн бүтээх үүрэгтэй хүмүүс шүү дээ. Гэснээс энэ монгол гарын хөтөчийг тэр iKeyEx багцад нь оруулаад, эсвэл тусад нь бэлэн багц болгоод тавьчих юмсан. Cydia-с шууд суулгадаг болчихвол жирийн хүмүүст хичнээн амар байхав дээ...

За тэгээд сэдэвтээ эргэж ороход, ямар ч комманд мөрөн дээр ажиллалгүйгээр утасныхаа хүссэн газарт файлаа хуулъя гэвэл утсаа root хэрэглэгчээр mount хийх хэрэгтэй болж байна даа. (Cydia-д бэлэн программ хайгаад олсонгүй, мэддэг хүн байвал зааж өгч туслана бизээ)

Линукс дээр бол гараараа mount хийнэ, харин Windows PC дээр бол iPhoneBrowser гэж файлын жагсаалт хардаг программ байна, түүнийг ашиглана.


Линукс дээр бол дор үзүүлсэн байдлаар:














Харин Windows дээр бол iPhoneBrowser-г суулгаад, ажиллуулахад автоматаар таны iPhone/iPod-д холбогдож доторх файлын жагсаалтыг харуулах болно.

ГЭХДЭЭ, хэргийн гол учир нь утсан дээр чинь AFC демон ажиллаж байхгүй бол root хэрэглэгчээр mount хийж чадахгүйд хүрнэ шүү. Cydia-д afc2add гэж багц байгаа түүнийг суулгахад хангалттай. За за одоо тэгээд өөр юм үлдсэнгүй, iPhoneBrowser-оо нээгээд л хүссэн газраа файлаа хуулах үлдлээ.





Холбоос:

iPhoneBrowser - http://code.google.com/p/iphonebrowser/
iKeyEx - http://code.google.com/p/networkpx/
afc2add - http://modmyi.com/cydia/package.php?id=12439

day 2 - mounting iPhone filesystem

За юуны төлөө утсаа jailbreak хийлээ, комманд мөрөнд доторхийг нь ухаж төнхөх хүсэл аяндаа төрнө биз дээ...

Тэгэхээр мэдээж утсан дээр чинь терминал эмулятор хэрэгтэй, эсвэл pc дээр ажиллах терминал хэрэгтэй... утсан дээр суудаг mobileTerminal гэх мэт терминал байна, гэвч нэг асуудал нь хэрэглэхэд үнэхээр төвөгтэй. iPhone-ы дэлгэцийн талд нь гар маань, нөгөө талд нь терминал. Үсэг нь жижигхэн, комманд гүйцээлт, комманд дахин тоглуулах гэх мэт зүйл байхгүй, нэг үсэг алдвал дахиад л эхнээс нь цохох хэрэгтэй болох юм. pc-нээсээ хандах нь л одоохондоо хамгийн дөхөм байна даа.



PC-нээсээ утсандаа хандах хоёр арга зам байна. Эхнийх нь утсан дээрээ openssh сервер суулгаад, утсаа утасгүй сүлжээнд холбож, pc-гээ мөн энэ сүлжээнд тохируулаад, ssh-р утасруугаа хандах... нетээс хайхаар энэ аргыг хэрэглэх заавар нилээд гарч ирж байна. Хоёрдугаар арга нь бэлэн байгаа USB кабелаараа дамжуулж утсандаа хандах... энэ хоёр дахь арга сонирхлыг минь татлаа...

Windows pc дээр ажиллах тийм терминал лав одоогоор алга бололтой, ухаандаа төлөөлүүлж хэлэх юм бол putty дээрээсээ usb кабелаар дамжуулж утсандаа хандах... за энэ ч арай сэрүүдсэн бололтой... гэхдээ нэг ухаарсан зүйл бол Linux pc дээрээ утсаа mount хийгээд, тэгээд ямар ч эмулятор хэрэггүй шууд л комманд мөрөнд ажиллах нь хамгийн эхний алхам юм байна.


Ер нь бол ямар ч Линукс PC дээр утсаа холбоход автоматаар usb camera/gphoto2 filesystem гэж таних болно. Уг нь бол gphoto2 нь өөрийн gphoto2 гэсэн CLI(Command Line Interface)-тэй юм байна лээ, folder болон файлын жагсаалтыг үзэж болох боловч, ядмагхан, native биш... Файлуудыг харуулахдаа доорх байдалтай байна: (-L тохируулга нь файл browse хийхэд хэрэглэгдэнэ)

[baynaa@localhost Desktop]$ gphoto2 -L
There is no file in folder '/'.
There is no file in folder '/store_00010006'.
There is no file in folder '/store_00010006/DCIM'.
There are 91 files in folder '/store_00010006/DCIM/100APPLE'.
#1 IMG_0006.JPG rd 1338 KB 2048x1536 image/jpeg
#2 IMG_0007.JPG rd 1423 KB 2048x1536 image/jpeg
#3 IMG_0008.JPG rd 1550 KB 2048x1536 image/jpeg
#4 IMG_0009.JPG rd 1362 KB 2048x1536 image/jpeg
#5 IMG_0010.JPG rd 1682 KB 2048x1536 image/jpeg


gnocam гэсэн GnomeVFS интерфейс нь бүрэн хөгжүүлэгдэж дуусалгүй дундаасаа хаягдсан бололтой, gnome2-д нийлүүлэгдээгүй юм билээ.


Үүнээс гадна нилээд дөмөгхөн FUSE гэж файлсистем байна, түүнийг iPhone/iPod-д зориулсан хувилбар iFuse гэж гарсан байна. (FUSE дээр суурилсан sshfs гэсэн хувилбар ч бас байна).

iFuse OpenSuse дээр амархан суучихлаа, харин Fedora/Ubuntu дээр нилээд төвөгтэй суудаг шиг байна... холбоотой сангууд, дагалдах багцууд нь уялдаатай ажиллаж өгөхгүй байгаа бололтой нилээд оролдоод болсонгүй. Суулгаж амжсан хүн байвал мэдлэгээсээ хуваалцаарай.


FreeBSD --> Портс-д хараахан орж амжаагүй
OpenSuse --> http://software.opensuse.org/search дээрээс ifuse багцыг хайж олооод, 1-Click Install хийхэд болно.


За тэгээд хамгийн сүүлд утсаа mount хийхдээ:

$ifuse iPhone_mount_dir

гээд боллоо. Хэрэглэгч чинь /dev/fuse хөтөч болон iPhone_mount_dir санд хандах эрхтэй байх ёстойг анхаараарай.


OpenSuse 11.2 дээр mount хийсэн байдлыг үзүүллээ. OpenSuse дээр /dev/fuse хөтчид хандах эрхтэй байхын тулд operator группын гишүүн, за тэгээд iPhone гэсэн санг өөрийн гэрийн сан дотор үүсгэчихсэн байхад болох биз дээ.
















Холбоос:

gphoto2 manual - http://gphoto.sourceforge.net/doc/manual/what-you-need.html
ifuse project page - http://www.libimobiledevice.org/
fuse for freebsd http://fuse4bsd.creo.hu/