Үндэсний Дата Төвийн 5 жилийн ойн мэндчилгээ

Үндэсний Дата Төв УТҮГ-ын Захирал, З.Энхболд

Үндэсний Дата төв 4 чиг үүргээр үндсэн өөрчлөлтүүдийг хийж байгаа. Анх бол мэдээлэл хадгалдаг цахим архивын хэлбэртэй байдаг байсан бол дараа нь бол мэдээллийг "үүрлүүлдэг" хостинг хэлбэртэй байж байгаад, одоо бол мэдээлэл солилцдог exchange хэлбэрээр ажиллаж байгаа. Бидний шинэ зорилго маань бол ойрын ирээдүйд мэдээллийн "цэгцэрсэн тогтолцоо"-т big data хэлбэрээр ажиллахаар зорьж байна...

2014 оны 9-р сарын байдлаар 1946 төрийн систем, 294 хувийн хэвшилд үйлчилгээ үзүүлж байна. Энэ нь Дата ценртийн үйл ажиллагааны 87% нь төрд "цахим засаглал" хэлбэрээр хүрч байна.

Засгийн газрын 2013 оны 6-р сарын 13 өдрийн 212-р тогтоол дээр бол "бүх төрийн байгууллагуудын мэдээллийг big data хэлбэррүү шилжүүлэхийн тулд Дата Төв дээр цуглуулах" тухай байдаг. Одоогоор 9 том төрийн байгууллагын 5TB мэдээллийг цуглуулчихсан байгаа.
Дата төв нь 2013, 2014 онд хүчин чадлаа 2 дахин нэмэгдүүлсэн байдаг. Одоогийн байдлаар 1.5TB түр санах ойтой, 150ТВ hard disk-тэй, гадаад интернет гарц 22GB/сек байна.
Дата төвийн шинэ чиг үүрэг: 21-р зуун бол мэдээллийн зуун, маш хурдтай өсөн нэмэндэж буй хэрэгцээ шаардлагад тулгуурлан, Дата Төв маань хурдтайгаар хөрөнгө оруулалт татаж өөрийнхөө хүчин чадлыг нэмэж байгаа. Нийт 52 хүний бүрэлдэхүүнтэй ажилладаг, бүгдээрээ залуучууд, байнга шинийг эрэлхийлж, байнга шинэ технологийг суралцдаг болохоор маш эрчимтэйгээр Дата төв маань хөгжиж байгаа гэж хэлэхэд таатай байна...


https://www.youtube.com/watch?v=Ui30cEKEq28

APNIC Conference - Future of the Internet in Mongolia - 2010 Oct 21

Нилээд завсарлаад APNIC-с дахин Монголд арга хэмжээ зохиожээ дээ...

The Asia Pacific Network Information Centre (APNIC), in collaboration with the Government of Mongolia, MobiCom and MobiNet, will hold a one-day conference on the 21 October 2010 at Kempinski Hotel Khan Palace in Ulaanbaatar, Mongolia. The conference will be focused on the evolution of the Internet with the theme "Future of the Internet in Mongolia".


Inaugural session - Keynote
Moderator: Mr. Munkhbold Udval, Director, TPD, MobiCom
Speakers:

* Mr. BOLOR.D, CEO, MobiCom Corporation / Mr. Enkhsaikhan.M, CEO, MobiNet
* Mr. Munkhbold Udval, Director, TPD, MobiCom Corporation
* Mr. Nyamjdorj.G, Director, Information, Communications, Technology and Post Authority
* Mr. Batbold Toiruul, Communication Regulatory Commission
* Mr. German Valdez, Asia Pacific Network Information Centre (APNIC)


Technical session:
Coordinator: Mr. Srinivas (Sunny) Chendi, APNIC, Australia
Presenters:
* Supporting Internet growth and evolution: Mr. German Valdez, APNIC, Australia
* IPv6 deployment cases: Mr. Matsuzaki Yoshinobu, IIJ, Japan
* Internet Exchange and Peering: Mr. Bill Woodcock, PCH, USA
* DNS Security: Mr. Champika Wijayatunga, APNIC, Australia


Internet Policy, Governance, and Multilingualism:
Coordinator: Mr. Srinivas (Sunny) Chendi, APNIC, Australia
Presenters:
* Internet users' role in Internet Governance: Dr. Hong Xue, APRALo
* Internationalized domain names: Ms. Jian Zhang, APTLD
* Internet Policy and regulations: Ms. Christine Runnegar, ISOC
* Introduction to ICANN and Policy Development: Mr. Save Vocea, ICANN


Panel discussion – Future of Internet in Mongolia
Moderator: Mr. Munkhbold Udval, Director, TPD, MobiCom
Panelists:
* Mr. [TBC], CRC
* Mr. Nyamdorj.G, ICTPA
* Mr. Sukhbaatar.Yo, NITP
* Mr. Enkhsaikhan.M, MobiNet
* Mr. [TBC], NDC
* Mr. Bayarsaikhan.V, "MOSA" NGO
* Ms. Tsetsegulzii.Ya, "Tsahim Medleg" NGO

Open Beer Party - June 17

Сайн байцгаана уу? Монгол явж амраад, сайхан яваад ирлээ. Линукс бүлгэмийн залуучуудтай танилцаж, богинохон ч гэсэн уулзаж ярилцаж амжлаа. Уулзалтыг зохион байгуулсан Дөлөөдөө бас юуны түрүүнд баярласнаа хэлье. Бүгдийнх нь нэрийг нэг бүрчлэн санахгүй байна, гэхдээ та бүгдтэй уулзаж ярилцах боломж олдсоноо энд дурдахгүй байж болохгүй санагдлаа. Дараа Монголдоо, эсвэл дэлхийн хаана ч юм уулзаж, эсвэл гар нийлж ажиллах боломж олдох байх гэсэн сайхан үгсээр энэхүү бичлэгийг өндөрлөе.

Блогоо бичиж байгаач гэсэн урмын үг өгсөнд баярлалаа... Одоо хийж байгаа ажил маань блогтой маань нэг их хамааралгүй ч, IT дотроо санхүүгийн системтэй холбоотой ажиллах хүсэлтэй хэн нэгэнд бас хэрэг болох ч юм болвуу гэж бодоод санаанд орсноосоо бичиж байхыг хичээх болно...


Хүндэтгэсэн,
baynaa

Google Android Монголд!

Доорх мэдээллийг ICTA-н веб хуудаснаас авсан болно. Бүрэн эхийг ЭНЭ хуудаснаас үзнэ үү!

Одоо та бүхний анхаарлыг Монголд Андройдыг хэрхэн хөгжүүлж байгаа талаар анхаарлаа хандуулахыг хүсье.

Мэдээлэл, Шуудан, Харилцаа холбооны технологийн салбарын 88 жилийн ойг угтан "Хөдөлгөөнт холбоонд суурилсан онлайн контентын хөгжүүлэлт" сэдэвт уралдааныг оюутан, залуучууд болон програм хөгжүүлэгчдийн дунд 2009 оны 6-р сарын 8-ны өдрөөс 7-р сарын 20-ний өдрийг хүртэл 1 сарын хугацаатай зарласан бөгөөд уралдаанд нийт 8 багийн 13 бүтээл ирүүлсэн юм.

Уралдаанд ирүүлсэн бүтээлүүдийг танилцуулъя:

№	Багийн нэр	Багийн гишүүд	application-ны нэр	Platform
1.	Togtokhbayar&Ulsbold	Тогтохбаяр, Улсболд	Blog reader	iPhone OS
2.	Mobicom	Г.Батбэх, Т.Батбилэг	Aялалын хөтөч	android OS
3.	Mobicom	Г.Батбэх, Т.Батбилэг	Алтан тарвага	android OS
4.	Mobicom	Г.Батбэх, Т.Батбилэг	Шатар	android OS
5.	MTC	Б.Доржнамжирмаа, Б.Батхүү	Geo SMS	android OS
6.	Болор	С.Батжаргал, С.Бадрал	Болор толь	iPhone OS
7.	Болор	С.Батжаргал, С.Бадрал	Болор толь	android OS
8.	Лаборатори	Б.Батжаргал, А.Тулга	MonScript	android OS
9.	Online Content	Ш.Жавхлан, Ч.Долгион	Contact Book	android OS
10.	Тататунга	Г.Дагвадорж, Б.Оюунжаргал	UB List	android OS
11.	IT PARK	Б.Дэлгэр, Ц.Дэлгэрсайхан, Г.Мөнгөнцэцэг Ч.Од-Эрдэнэ, Ө.Оюунханд	Мумми	android OS
12.	IT PARK	Б.Дэлгэр, Ц.Дэлгэрсайхан, Г.Мөнгөнцэцэг Ч.Од-Эрдэнэ, Ө.Оюунханд	Зураг эвлүүлэгч	iPhone OS
13.	IT PARK	Б.Дэлгэр, Ц.Дэлгэрсайхан, Г.Мөнгөнцэцэг Ч.Од-Эрдэнэ, Ө.Оюунханд	Шагай хаях	android OS

Дараах үзүүлэлтээр дээрх багуудын бүтээлд хяналт-шинжилгээ хийж, үнэлгээ өгсөн.

№	Үзүүлэлт	Дүгнэх аргачлал
1.	Програмын бичиг баримт	0-20
2.	Монгол орны онцлогийг харуулсан буюу монгол брэндийн бүтээгдэхүүн байх	0-10
3.	Програмын шинэлэг санаа , шийдэл	0-20
4.	Програмын ажиллагаа	0-35
5.	Програмын хэрэглэгчийг татах чадвар	0-15
	Нийт	100

Шүүгчдийн бүрэлдэхүүн:

Ажлын хэсгийн ахлагч
А.Эрдэнэбаатар ШУТИС, КТМС-ийн тэргүүлэх профессор

Нарийн бичгийн дарга
Б.Тамир МШХХТГ-ын Бодлого төлөвлөлтийн хэлтсийн мэргэжилтэн

Гишүүд:
Б.Ууганбаяр "Интерактив" ХХК-ийн ерөнхий захирал
Б.Алтангэрэл "Монгол контент" ХХК-ийн ерөнхий захирал
Г.Муратбек МТҮП-ын Инкубаторын албаны ажилтан

Ямар бүтээл уралдаанд түрүүлсэн бэ?

"Хөдөлгөөнт холбоонд суурилсан онлайн контентийн хөгжүүлэхт" сэдэвт уралдаанд Лаборатори багийн "MonScript" нэртэй Монгол бичгээр SMS явуулдаг бүтээл түрүүлсэн бөгөөд тэд энэхүү бүтээлээ Google Android утсанд зориулан хийсэн юм. Энэ уралдаанд түрүүлсэн багийг МТҮП-аас Google Android утсаар шагнасан юм.

FreeBSD гарын авлага монгол хэлнээ

Энэ гарын авлагыг орчуулахад голлох үүргийг гүйцэтгэсэн g0mb0 ах болон Нацаг анд хоёртоо хамгийн түрүүнд баяр хүргэеээ. Ийнхүү FreeBSD Handbook-н орчуулгын SVN-г 2006 оны 10 сарын 27-ны өдөр анх үүсгэснээс хойш 5 сарын турш үргэлжилсэн орчуулгын ажил дуусаж эхний хувилбараар бэлэн боллоо. Mongolian Unix user Group-н хуудаснаа гарсан нийтлэлийг бүрэн эхээр нь дор хавсаргав. Номын хур арвижих болтугай!

Unix төст FreeBSD үйлдлийн системийн гарын авлага (FreeBSD Handbook) англи хэлнээс монгол хэлнээ Монголын Unix Хэрэглэгчдийн Холбооны гишүүдийн хүчээр орчуулагдан дуусч, эх хэл дээрээ эрдэм номын эх үүсвэрээс хөрвүүлэх чухал үйлсэд дусал нэмэр болгож, альфа буюу анхдагч хувилбарыг уншигч олноо өргөн барихад бэлэн болоод байна. Хэдийгээр англи болон өөр бусад олон хэлүүд дээр энэхүү гарын авлага нь байдаг боловч эрдмийг эх хэл дээрээ сурах нь илүү үр өгөөжтэй гэдэгтэй хэн ч маргахгүй буй заа.

FreeBSD үйлдлийн систем нь нээлттэй эх код бүхий, чөлөөтэй түгээгддэг, BSD төрлийн үйлдлийн систем юм. Өнөөдөр дэлхийн олон оронд оршин суугаа хэдэн зуугаар тоологдох хөгжүүлэгчид, хувь нэмэр оруулагчдын хүчээр энэ үйлдлийн систем нь хөгжиж байна. Найдвартай ажиллагаатай, хүчирхэг энэ үйлдлийн системийг банк, санхүүгийн байгууллага, их, дээд сургуулиуд, интернетийн үйлчилгээ үзүүлэгч компаниуд зэрэг төрөл бүрийн байгууллагууд өөрсдийн өдөр тутмын үйл ажиллагаа, судалгаа, шинжилгээндээ өнөөдөр ашигладгийг бид мэдэх билээ.

FreeBSD үйлдлийн системийн гарын авлага нь FreeBSD болон Unix-тэй төстэй үйлдлийн систем сурахыг хүссэн хүмүүс, оюутан сурагчид, сонирхогчид, системийн администратор хэн бүхэнд хэрэгцээтэй бүх мэдээллүүдийг агуулдаг. Энэ гарын авлага нь 29 бүлэгтэй бөгөөд Unix-ийн үндэс, хэрэглэгчийн бүртгэл зохицуулалт, X, аюулгүй байдал, хадгалалт, сүлжээ, галт хана, цахим шуудан зэрэг бүхий л төрлийн мэдээлэл, заавруудыг өөртөө багтаасан юм.

Энэхүү үйлдлийн системийн гарын авлагын орчуулга 2006 оны 10 сарын 27-ны өдрийн 15 цаг 12 минутад эх бичлэг удирдах SVN системийг зохион байгуулан анхны бичлэгээ оруулж, уг номын орчуулганд оролцох хүсэлтэй хүмүүст зориулж бяцхан заавар гаргаснаар эхэлсэн билээ.
Орчуулгын зааврыг доорх хаягаас үзнэ үү.

http://www.mnbsd.org/freebsd_mn_doc/readme_translators.txt

Таван сар гаруйн хугацаанд нийт 656 удаа өөрчлөлт, шинэчлэлт, засварууд FreeBSD гарын авлагын монгол орчуулганд хийгджээ. Орчуулга хийж байх явцад гарч байсан орчуулахад төвөгтэй, зарим нэг техникийн үг, хэллэгүүдээр толь бичиг үүсгэсэн болно. Мөн энэ хугацаанд FreeBSD үйлдлийн системийн англи гарын авлагад хийгдсэн өөрчлөлтүүдийг тухай бүр монгол орчуулгандаа тусган оруулж байсан билээ. Дэлгэрэнгүй мэдээллийг эх бичлэг удирдах SVN серверийн хаягаас үзнэ үү.

http://202.179.0.82/cgi-bin/viewvc.cgi/freebsd_mn_doc/

Уг гарын авлага маань Docbook DTD-ийн дагуу SGML дээр хийгдсэн бөгөөд jade хэрэгсэл ашиглан өөр олон хэлбэр (txt, pdf, ps гэх мэт) рүү хөрвүүлэгдэх боломжтой юм. Ер нь аливаа компьютерийн холбогдолтой техникийн баримт, бичгийг Docbook ашиглан хийдэг билээ. Docbook-ийн талаар дэлгэрэнгүйг доорх хаягаас үзнэ үү.

http://www.docbook.org/whatis

Цаашид хийгдэх ажлуудыг дурдвал:

FreeBSD-ийн эх кодонд FreeBSD гарын авлагын монгол орчуулгыг албан есоор оруулах. Ингэснээр FreeBSD үйлдлийн системийн суулгалтын хоёр дахь CD-нд багтах боломжтой болох юм.
FreeBSD-ийн гарын авлагын англи эхэд хийгдсэн өөрчлөлтүүдийг монгол орчуулгад цаг тухайд нь оруулж байх.
Нээлттэй эх Docbook-д OpenMN багийн Санлигийн Бадралын 2005 онд оруулсан монгол орчуулгыг хянаж, засварлан Docbook арчлагч руу илгээж, Docbook болон Docbook DSSSL-ийн дараагийн хувилбарт монгол хэлээ оруулах. Одоогоор засвар (patch) ашиглан FreeBSD гарын авлагыг монгол хэлээрээ эмхэтгэх боломжтой байгаа бөгөөд, албан ёсоор орсон тохиолдолд энэ нь илүү хялбар болох юм. Мөн Docbook ашиглан эх хэлээрээ техникийн бичиг, баримт боловсруулах боломж хойшид бүрдэнэ.
Нээлттэй эх aspell хэрэгсэлд OpenMN багийн Санлигийн Бадралын оруулсан монгол хэлний үгсийн санг өргөтгөх. Үгсийн сан бараг бэлэн болоод байгаа бөгөөд ингэснээр энэ үгсийн санг aspell хэрэгсэлтэй цуг ашиглан FreeBSD гарын авлагын монгол орчуулга болон монголоор бичсэн бичиг, баримтын үг, үсгийн алдааг засварлах боломж бүрдэх юм. Мөн энэ үгсийн санг нээлттэй эхийн OpenOffice, Firefox, Thunderbird зэрэг програмууд дээр бас ашиглах боломжтой болно.
FreeBSD гарын авлагын монгол орчуулга дахь утга, найруулгын алдааг хянан тохиолдуулах.


FreeBSD гарын авлагын монгол орчуулга маань анхдагч хувилбар болохоор орчуулга, утга, найруулгын болоод уран сайхны бага зэргийн алдаатай байхыг үгүйсгэхгүй бөгөөд тийм тохиолдолд уншигч олныхоо санал, заавар, зөвлөгөөг хүлээн авахад бэлэн байна.

Монгол хэлнээ орчуулагдсан FreeBSD гарын авлагыг доорх хаягаас үзнэ үү.

http://www.mnbsd.org/freebsd_mn_doc/index.html

Англи эхийг доорх хаягаас үзнэ үү

http://www.freebsd.org/doc/en_US.ISO8859-1/books/handbook/index.html

Энэ дашрамд орчуулганд оролцож хэд хэдэн том, гол бүлгүүдийг орчуулсан Герман улсад суугаа Ш. Нацагдорж, Япон улсад суугаа Л. Баянзул нартаа гүн талархлаа илэрхийлье.

За ингээд олон юм нуршиж, уншигч олноо чилээсэндээ хүлцэл өчөөд энэ захиагаа жаргаая.

Монголын Unix хэрэглэгчид маш олон болж, уншигч олны маань оюун ухаан саруул, мэлмий хурц байх болтугай.

Хүндэтгэсэн,

Ц. Ганболд
Монголын Unix Хэрэглэгчдийн Холбоо
http://www.mnbsd.org/

2007 оны 4 сарын 10-ны өдөр.

SE болоход BS хэрэгтэй юу?

"System Engineer" болоход "Bachelor of Science" буюу Бакалаврын зэрэг хэрэгтэй юу?

System Engineer гэж System Engineer, Network Engineer, Network Administrator, System Administrator гэх мэт ... орон тоог нийтэд нь нэрлэдэг болжээ(Японд лав тэгэж нэрлэх юм). Миний ойлгосноор өөрөө шинээр зохион бүтээж хийх биш, харин хүний бэлэн хийчихсэн зүйлийг жаахан ажилтай шиг нь урд хойно нь оруулж, ажилгүй шиг нь арчлаад сууж байдаг орон тоог хэлээд байнуу даа... Түүний дотор одоо миний хийж байгаа ажил ч орж байна. Энд ирээд төрсөн сэтгэгдэл гэх юмуу, бодогдох болсон нэг зүйл бол ... үнэхээр систем инженер хийхийн тулд их сургуульд 4 жил сурч компьютерийн ухааны бакалаврын зэрэг авах хэрэг байнуу?

Google ах байхад англи хэлтэй, жаахан толгой нь хурдан сэтгэдэг, дээр нь мэдээллийн технологид сонирхолтой хэн боловч сервер тавиад, тохиргоо хийгээд, цааш нь аваад явчих бүрэн боломжтой санагдах юм. Японд гэхэд л их сургууль төгссөн инженер хүнийг японы жинхэнэ нөгөө акул компаниуд нь төгсөхөөс нь жилийн өмнө түүгээд авчихдаг, харин мэргэжлийн техниккум төгссөн хүмүүс нь SE хийдэг юм шиг санагдсан. Ажилд авах зар дээрээс харахад SE ч ялгаагүй, программист ч ялгаагүй, Монголд гардаг ажлын зарууд шиг "компьютерийн ухааны бакалавр ба түүнээс дээш зэрэгтэй..." гэсэн зар ховор. Оронд нь "төдөөс дээш жил ажилласан туршлагатай..." л гэж байх юм. IT гэж аргагүй л туршлага чухал болчихсон салбар юм.

Сайхан сайхан мэргэжлээр төгссөн улсууд мэргэжлийнхээ ажлыг хийхгүй бүгд IT-д тэмүүлээд байхыг харахад технологи залуусын сонирхлыг аргагүй татаж байна. Гэхдээ одоо надаас асуух юм бол... их сургууль төгссөний хэрэг нь гардаггүй ийм инженерийн ажил хийж байхын оронд, тэр хүмүүсийн эзэмшсэн тэр сайхан мэргэжлээр ажиллах юмсан гэсэн бодол ч төрж байсан. Интернетээс уншаад эмч, нарийн мэргэжлийн инженер, эсвэл байгалийн шинжлэх ухааны мэргэжилтэн болчихлоо гэж би одоогоор дуулаагүй явна... Гэх мэтчилэн технологын акул Япон улсад ирээд төрсөн сэтгэгдэл олон байна.

Цааш үргэжлүүлье. SE болоход BS хэрэгтэй юу?
Нөгөө талаас нь нэг харъя. Үнэхээр асуудал тийм байгаа бол манайхан IT-р аутсорсинг хийхэд нэг их цаг хугацаа, хөрөнгө мөнгө шаардахгүйгээр IT-н мэргэжилтэн бэлдээд байж болох юм шиг санагдана...

"Linux Install Fest" энэ жил уламжлал болон зохиогдох уу?

Түрүү жилийн 4 сарын 7-нд "Linux Install Fest" арга хэмжээг MUUG, OpenMN хамтран анх санаачлан зохион байгуулж байсныг та бүхэн санаж байгаа байх. Анхны арга хэмжээ болохоор сонин, содон, сайхан болж өнгөрсөн санагдаж байна. Бас ч үгүй зорилтууд тавьж, түүндээ ч эхнээс нь хүрсэн байна. Linux User Group-тэй болъё гэж ярьж байсан, Дөлөөгийн маань зүтгэлээр http://www.limnux.org/ веб хуудас бий болж, олон гишүүдтэй Linux User Group-тэй ч болжээ.

4 сар ч дөхөж байна. Энэ жил "Linux Install Fest - 2007" хэзээ зохиогдох талаар, мартсан хүмүүс байвал нэг сануулаад орхиё гэсэн бодлоор LiMNux дээр нэг нийтлэл нээгээд орхилоо. Дөлөөгөөс хариу ирсэн байна. Ямартай ч энэ жил зохиогдох юм байна, гэхдээ Ubuntu "Feisty Fawn" 7.04 гарах өдөр "Монголын Нээлттэй Эхийн Санаачлага" ТББ-н байранд болох сурагтай. Удахгүй товыг та бүхэнд хүргүүлэх бололтой. Энэ талаар LiMNux-с орж уншаарай.

InfoSec Mongolia - 2007

ISC уламжлалт конференсоо энэ оны 4-р сарийн 19-20-ны хооронд зохион байгуулах гэж байгаа юм байна. Сая Баярсайханы нийтлэл-с олж мэдлээ.

Microsoft-н сертификатны сургалтууд явуулдаг мөн олгодог, Kaspersky-н албан ёсны төлөөлөгч гэхээр манайхан ISC Mongolia компаныг андахгүй байх. Монголын мэдээлэл, харилцаа, технологын салбарт өөрийн гэсэн өнгө төрхтэй энэ компаны үйл ажиллагаа надад таалагдсан. Түрүү жилийн InfoSec-д суусанаа лав санаж байна. Khan Palace зочид буудлын 2 давхарт болж байсан. Гол танхимд илтгэлүүд явагдаж, ил танхимд компаниуд танилцуулгаа хийж байсан санагдаж байна. Гадаадаас гэвэл Kaspersky, Alvarion компаниудаас илтгэл тавьж байсан, мөн IT-н монгол компаниудын залуухан инженерүүд бас илтгэл тавьсан. InfoSec гэсэн нэрнээс нь ч харсан, ерөнхийдөө information security-рүү голлосон конференс байсан. Зохион байгуулалт үнэхээр сайн байсныг энд хэлэх хэрэгтэй байхаа.

Харин илтгэлүүд агуулга, түвшиний хувьд нилээд зөрүүтэй байсан нь ажиглагдсан. Илтгэлүүдийг урьдчилан шалгаруулж, цензур тавиагүйгээс болсон уу, эсвэл дэндүү тулгаж зарласан уу зарим илтгэл муухан байсан шүү. Мөн нэг ажиглагдсан зүйл бол манай инженерүүдэд илтгэх чадвар үнэхээр дутмаг байдаг юм байна лээ, энэ мэдээж мэргэжлийн онцлог байх. Тиймээс илтгэл тавих гэж байгаа хүмүүстээ илтгэх урлагын талаар ганц хоёр цагын лекц хийчихвэл их зүгээр санагдсан. Мөн хурлын заал зориулалтын бус байсан уу, цонхноос гэрэл гялбаад, хаалга индэртэйгээ ойрхон байсан болохоор орж гарч байгаа хүмүүсийг харсаар илтгэлүүдэд анхаарч чадахгүй байсан санагдана... Гэхдээ энэ удаа илүү туршлагатай болохоор өшөө сайн илтгэлүүдтэй, сайхан конференс болох байхаа. Оролцож чадахгүй хүмүүст зориулж веб хуудсан дээрээ дэлгэрэнгүй мэдээлэл тавиарай гэж хэлмээр байна.

За та бүхэнд ажлын амжилт хүсье.

Midas/Monita-гийн 2006 оны шилдэг сонголтууд

Дуугүй байя гэсэн ёстой хэл загатнаад байж болдоггүйээ... Уг нь хүмүүсийн хөдөлмөрийг доош нь хиймээргүй л байна, гэхдээ л энэ оны шилдэгүүдийг шалгаруулсан нь гэж IT-д зүтгэдэг хүмүүсийг дэндүү басамжилсан хэрэг болжээ... Номинацууд нь ч гэж үнэн шогийн, тоо нь гүйцэхгүй болохоор нь нэмээд байсан юмуу даа...

Номинацууд:
1. Интернетийн шилдэг үйлчилгээ
2. Холбооны багцийн шилдэг үйлчилгээ
3. МХХТ-н шилдэг сургалт
4. Шилдэг програм хангамж
5. Шилдэг веб
6. Борлуулалтын дараах шилдэг үйлчилгээ
7. МХХТ-н зээлийн шилдэг үйлчилгээ
8. Шилдэг компьютер
9. Шилдэг хэвлэх төхөөрөмж
10. Шилдэг хувилах төхөөрөмж
11. Шилдэг гар утас
12. Хамгийн олон нэр төрлийн цахилгаан бараа борлуулагч
13. Хамгийн олон нэр төрлийн МХХТ-н бүтээгдэхүүн борлуулагч
14. Дэвшилтэт технологийн бүтээгдэхүүнийг анхлан нэвтрүүлэгч
15. МХХТ-н шилдэг реклам

Зээ нэг иймэрхүү, хараад байхад бас ч гэж боломжийн ч юм шиг. Тэгсэн "MXXT-н зээлийн шилдэг үйлчилгээ" гэдгийг ёстой толгой хүлээж авахгүй байна. Зээлийн шилдэг үйлчилгээ нь IT-д одоо ямар хамаа байдын бол доо. Хараад байхад IT гэдгийг computer гэдэг төмөр хайрцагтай холбоотой гэж ойлгоод байх шиг байгаан. Тэрийг худалдаж авахад зээл олгохоор "IT-н шилдэг зээлийн үйлчилгээ" болчдийн байна. За тэгсэн "МХХТ-н шилдэг сургалт" гэдэгт нь "Best төв - компьютерийн анхан шатны сургалт" гэжийнэ. Анхан шатны сургалт гэдэг нь одоо Word, Excel заадаг санагдаад байхын, эсвэл 10 хуруугаар бичихийг ч заадаг билүү... Яадахад Datacom-c зохиосон APNIC-н сургалтыг оруулчихгүй яасан юм бол доо гээд энүүхэндээ ярилцаад амжтал, "өөрөө нэрээ дэмшүүлж тэрнийхээ хойноос гүйж байж шалгардаг" гэнэ гэж тайлбарлацгаах юм.

За тэгээд гадны баахан электрон барааг шалгаруулснаа ард нь компаны нэрийг нь бичиж, албан ёсны гэрээт борлуулагчийг нь хэлж байгаан байхаа. Юуг шалгаруулаад байгааг нь нэг их ойлгосонгүй... Өчигдөрхөн MCS шилдэг брэнд компьютерээр шалгаруулсан Athena-гаа рекламдаад л байна лээ... "MIDAS/Monita-г шалгаруулсан оны шилдэг компьютер" гээд л...

"Интернетийн шилдэг үйлчилгээ", "Холбооны багцийн шилдэг үйлчилгээ", "Шилдэг програм хангамж" гэдэг нь бол чихэнд арай чимэгтэй сонсогдож байна.

Энэ байгууллагаас шалгаруулсан энэ сонголтууд чинь үнэхээр ядмаг юм байна ш дээ. Бид нар үүнээс дээрхэн шалгаруулалт хийчиж чадахгүй гэжүү залуусаа...