SANFIRE2006 - Бэлтгэл ажил

SANFIRE2006 - энэ бол SANS Institute-с зохион байгуулж байгаа энэ жилийн хамгийн том арга хэмжээ. Сүлжээний нууцлал хамгаалалын бүхий л чиглэлээр сисадмин, сүлжээний аудитор, сүлжээний инженерүүдэд зориулсан 30 гаруй ангиуд зэрэг хичээллэнэ.

Харин SEC506 бол миний суух ангийн нэр. Хайж хайж яг тохирох сургалтыг олж чадлаа. Урамтай байна шүү. Бүтэн зургаан өдөр Юникс төрлийн системийн нууцлал, хамгааллын талаар судлана. Өдөр бүр 9:00-17:00. Өдөр бүр үзсэн материалаасаа шалгалт өгч 6 оноо цуглуулна, нийт 36 оноо. Миний хамгийн их сонирхлыг татаж байгаа зүйл бол, ямар хүмүүс ирэх бол? ур чадвар нь хэр бол? сисадмин хүн юу хийдэг бол? гэхчлэн олон зүйлүүд байна.

Бэлтгэл ажил - Бэлтгэл ажил гэхээр л хувцас хунараа боож баглах гэж ойлгогдох вий дээ, хэхэ. Ер нь ямар нэг ажлыг хийхийн өмнө, төлөвлөгөөгөө гаргана гэдэг чинь л хамаг цаг авдаг ажил байна. 7 сард болох сургалтаа би 4 сараас хайж эхэлснээс хоцрох шахсан шүү. SANFIRE2006 дээр тогтохын тулд нилээд хэдэн өдөр интернет ухаж, харьцуулж, мөн удирдах хүмүүстээ танилцуулсны эцэст шийдсэн. Дараа нь төсөв мөнгөө батлуулах, онгоцны тийзээ захиалах, визний ярилцлаганд орох өдрөө 6 долоо хоногийн өмнө захиалах гэх мэтчилэн аян замд явах хүнд эртнээс төлөвлөх ажил тун их байлаа.

Визээ өчигдөр авсан. Одоо л нэг санаа амар жинхэнэ бэлтгэл ажилдаа орох нь. Laptop requirement гэсэн уртаа гэгч нь мэйл ирж. Redhat эсвэл Fedora заавал суусан байх ёстой, сургалтын турш ашиглагдах заавал суусан байх package-уудын жагсаалт гэхчилэн их л олон зүйл заасан байна. Дассан сурсан Redhat-аа суулгая гэсэн үнэтэй болчиж. Fedora дээр л тунаад байна даа.

Мөн сургалтын дараа завтай өдрөө Washingtond-д байдаг их сургуулиудаар орж танилцах хүсэлтэй байна. UMD (University of Maryland)-д Linux User Group гэж лав байдаг юм байна. Хүмүүстэй нь холбоо барьж уулзах хүсэлтэй байна.

Юникс Систем Админы сургалт

Юникс систем админууд өөрсдийгөө хэрхэн хөгжүүлж байна?
Интернетээс л... Энгэж хэлэхэд хэлсдэхгүй нь бололтой. Мэдээж интернетээс л ихэнх мэдээллийг авч байна, өөр хаанаас авах гэж? гэж асуух хүн гарах байх л даа. Энэ оны 4 сараас ажлаас маань намайг мэргэжил мэдлэгээ дээшлүүлж, сургалтанд суух санал тавьсан юм. Нээрээ яагаад болохгүй гэж? Ингээд л юникс төрлийн систем админуудад зориулсан сургалтыг хайж эхэллээ. Миний хэрэгцээ шаардлага өндөр байснаас тэр үү, эсвэл нэгэнт мөнгө төгрөг зараад гадагшаа явж байгаагаас ч тэр үү, нилээдгүй гайгүй хөтөлбөртэй сургалтуудыг хайж эхэллээ. Ази тивд л лав таалагдах сургалт олдсонгүй, эсвэл дэндүү богинохон 2-3 хоног, эсвэл дэндүү амархан-линукс яаж суулгах вэ? хэрэглэгч яаж нэмэх вэ? гэхчлэн дэндүү анхан шатны зүйлүүд байна. Хойд хөрш Орос улсад маань харин сайн сайн сургалтууд байгааг оллоо. Харин орос хэл ... Хм... орос хэл дээр хайр сэтгэлтэй кино үзэж байснаас биш, техникийн хичээл үзэж байсангүй. Нэг л санаанд багтсангүй. Европ тив, болж байна. Хараад байхад Европ тивд болж байгаа сургалтуудын ихэнх нь Америкт төвтэй сургалтууд байна. Америк?... дэндүү хол юмаа... Таньдаг мэддэг сисадминуудаас асуулаа... Хм, ер нь яг Юникс сисадмины сургалтанд суусан хүн алга шиг байна. Гэхдээ нилээдгүй мэдээлэл олж авлаа. Ер нь Америкт болж байгаа сургалтууд хамгийн чанартай, хамгийн нэр хүндтэй болохыг олж мэдлээ. Интернетээр хайсны эцэст

1. http://www.usenix.org/events/ - Жинхэнэ сисадминуудад зориулсан шинэ соргог сайхан сургалтууд байна. Дан сургалт гэхээсээ conference+training programm юм байна. www.sage.org -той хамтран Линукс сисадминуудын LISA conference-г жил болгон зохиодог юм байна.
2. www.sans.org - Нууцлал хамгааллаар хамгийн нэр хүндтэй сургалтуудын нэг. Ер нь бол сургалтууд нь зөвхөн юникс төрлийн үйлдлийн систем гэлгүйгээр систем админ, сүлжээний аудиторуудын мэдэх ёстой бүхий л чиглэлийн сургалтууд байна.

Үүнээс гадна Redhat, Novell-ийн өөрийнх нь сертификатны сургалтууд бас байна лээ.
https://www.redhat.com/apps/training/
http://www.novell.com/training/certinfo/cle9/

Тэгэхээр Америк л болж таарч байна даа...